На локалитетот Трештена Стена
На локалитетот Трештена стена во близина во Мариово, при годинашните археолошки истражувања пронајдени се значајни артефакти за животот кој се одвивал во населбата.
– Откопани се култни масички – жртвеници, антропоморфна пластика во фрагментирана состојба и фрагменти кои укажуваат дека фигурите биле во стоечка, седечка или полуседечка состојба – велат од Министерството за култура, со чија финансиска поддршка стручњаци од Завод и музеј ја ископуваат енеолитската населба.
Локалитетот Трештена стена од бакарното време се истражува од 2001 година. Откриен е уникатен начин на врежување на предметите, односно браздесто врежување со шилесто орудие.