Прилепско културно лето
Во полн ек е Прилепското културно лето, организирано од ЦК “Марко Цепенков”. Вторник е концерт на Трио хармоники во ликовниот салон од 20 часот. Во триото, кое постои од 2008 година, се Љупчо Колевски, Ѓорѓе Ќириќ и Трајче Гогов. Ќе свират дела од Пјацола, Вивалди, Дербенко… Настапувале на различни манифестации и освоиле прва награда на “Езерски бисери” во 2011 година и прво место на Државниот натпревар по камерна музика.
Интерес предизвика концертот на КУД “Александар Македонски трети” и “Илинден од Австралија”, засилени со нашето КУД “Моминок”.
– Претставувањето е дел од турнејата низ земјава – велат сонародниците.
