Во кино Мис Стон
Прв фестивал на европски филмови” Festival on Wheels” ќе се одржи викендов во киното Мис Стон, почнувајќи од утре од 12 часот па завршувајќи в недела во 20 часот. Ќе се одржат проекции на филмови од различни европски центри, со тематски филмски работилници од отворен тип, како и неделно детско матине со проекција на анимиран филм. Со фестивалот се сака да се поттикне дистрибуцијата на европски филмови и да се подигне свеста кај граѓаните за овој дел од филмската продукција. Проекцијата на детските анимирани филмови ќе им овозможи забава на најмладите.
