Здружението на глуви и наглуви лица постојано учествува на сите манифестации за луѓето со овој хендикеп. Таму не се само бројка, туку се закитуваат со медали или пехар.
Најсвеж пример е второ место на манифестацијата “Жена – домаќин” во Охрид. Претседателот Диме Башески вели дека се натпреварувале во две категории – подготовка на слатко и солено јадење. Прилепската екипа, Јулија Спиркоска, Живка Стојаноска и Виолета Шопеска, добиле пехар за најдобра блага торта, која се правела таму до последниот детал. Жирито дегустатори давале оценка.
