Христијан Р’жаникоски со сребро и Ѓорѓи Коцески со бронза се вратиле од победоносниот поход на државниот натпревар по математика. Во Скопје, за престиж се бореле 140 учесници. Осмоодделенците Христијан и Ѓорѓи не се колебале за ниту една од петте задачи. Трите часа им биле премногу. Сложените геометриски формули, доказите и алгебрата, кои се учат во средно, не биле проблем, зашто со менторот Лилјана Ковилоска се подготвувале интензивно цело второ полугодие. Со освоените места, може да учествуваат на малата математичка Олимпијада, а ако се докажат и таму, им следи Балканијадата.
За освоените награди, учениците и менторот имаа прием кај градоначалникот, зашто се гордост и за градот.
