За еден месец Центарот за јавно здравје регистрирал околу 300 заболени од грип, што во споредба со истиот период лани е двојно зголемување. Сепак, според стручнаците, состојбата е вообичаена и нормална. Сезоната на грип е во февруари и во март.
– Се очекува грипот да се интензивира наредните недели, затоа се препорачува конзумирање на течности, витамински сокови и чаеви – вели Гоце Ингилизов, директор на Заводот за јавно здравје.
Доминантна е циркулацијата на вирусот на грип тип А. Најзагрозени се хроничните болни, кардиоваскуларните болни, дијабетичари, астматичари, бидејќи кај нив грипот може да предизвика компликации.
