На најголемиот блуз/рок настан во земјава, Блуз & Соул фестивалот во Скопје, годинава ќе настапи и составот Давид Нешкоски Трио. Култниот настан има традиција од 17 години. Зачнат е во 1996 година. Затоа е поддржан и од Министерството за култура, градот Скопје и американската амбасада.
Тапанарот Благојче Пенов, басистот Кире Гаралоски и главниот вокал Давид Нешкоски ќе ја имаат честа да ја отворат тридневната манифестација со последниот хит Wild night out и песни од албумот Magical Dreamland.
Блузери од САД, Австрија, Германија и Велика Британија ќе им прават друштво на прилепчаните. Досега на фестивалот учествувале светски познати имиња како The Temptation, Васил Хаџиманов Бенд, Louisiana Red, Mick Taylor и многу други.
Настапот на блуз и соул елитата ќе биде во Универзалната сала во Скопје.
