Изложба на ДЛУП
Творештвото на четириесетина уметници, членови на ДЛУП веќе неколку дена претставува воодушевување за љубителите на ликовната уметност. Пејзажи, графики, апстракции, скулптури… создавани со “игрите на четките и боите” предизвикуваат воздишки во галеријата. Членовите на ДЛУП ја демонстрираа уметничката дарба и богатиот градски културен дух. Од домашните ателјеа ги извадија едногодишните мајстории на уметничките дожувувања и ги поделија страстите со мераклиите на уметноста, давајќи придонес за четиригодишнината од еснафската асоцијација и годишнината од постоењето на подмладокот.
Поддршка за уметничкиот порив добија и од градоначалникот Марјан Ристески, барајќи помош за сликање на големо платно од 20 метри и одржување на младинска колонија.
