Бетовенова вечер со малата надарена пијанистка Александра Гическа ќе има вечерва од 19 часот во ЦК “Марко Цепенков”. Таа ќе изведе три сонати за пијано од Лудвиг Ван Бетовен – соната опус 14, опус 49 и соната опус 13.
Александра Гическа со 11 години е меѓу најнадежните деца во земјава. Таа забрзано напредува изучувајќи го пијаното. Концертира како солист, а музичката критика ја оценува како “чудо од дете”.
Учествувала на културни настани и во Скопје, Охрид, Штип, Гевгелија, Софија, Белград, Врање… На осум години освоила прва награда на државниот натпревар во Скопје, а на девет го имала својот прв самостоен рецитал. Го свиреше и Моцартовиот концерт во ц-молл на културното лето.
Со пијаното се “запознала” на осумгодишна возраст во музичкото училиште. Ученик е на професорите Мелани и Филип Пеоски.
