Мозаиците на уметницата Александра Богоеска се презентирани на изложба во Куманово, заедно со делата од колегите Андријана Даниловиќ, Даниела Рупиќ, Петар Вујошевиќ, Мирослав Лозовиќ, Биљана Велиновиќ и Александар Станоев.
Богоеска вели дека за мозаиците, како специфична техника потребно е трпение и време. Прави поврзување на каменот, создавајќи ги мозаиците. Едноставно кажува дека му дарува душа на каменот.
– Најпрво треба да се собере каменот, потоа да се осмисли и добро да се сложи. Во мозаиците застапени се флората и фауната, но не изостануваат ни религиозните теми – вели Богоеска.
Досега Богоеска имала повеќе самостојни изложби, а учествувала и на повеќе групни претставувања и на ликовни колонии.