Локалните власти ќе финансираат градба на скејт парк на 1331 м2 за возење на скејтборд, ролери или БМХ велосипеди пред спортската сала “Македонија”. Просторот ќе биде адаптиран и за организирање на културни и спортски настани. Скејт паркот ќе им биде предаден на младите за забава за два-три месеци.
Паркот ќе содржи дел за почетници, со рампи, скали, метални препреки и огради, помали надвишувања и аморфен базен со различна длабочина од 80 см., па до 2 м. Одделен ќе биди просторот за искусни. Бетонските платоа меѓусебно ќе бидат поврзани со тревната површина.
– Лани немавме средства во буџетот, а годинава Советот ја верификува граѓанската идеја. Преминуваме на реализација со завршувањето на тендерот за избор на изведувач – вели градоначалникот Марјан Ристески.
Скејт паркот е остварување на идеите, предложени од граѓаните за рекреација и за разубавување на градот.
