Подмладокот на ДЛУП ја користи отворената галерија во ЦК “Марко Цепенков” како работилница. По завршувањето на наставата во средните училишта, скоро сите членови на подмладокот се збираат на едно место и вежбаат да цртаат како нивните постари колеги.
Како што објасни Кристијан Стојаноски, кој е претседател на друштвото на младите ликовни творци, сé што е потребно е желба за цртање, талент, најмалку шест сопствени дела и возрасна граница над 14 години.
Друштвото брои девет члена кои прво сликале подучувани од ментори, а сега самостојно и по свој избор цртаат или сликаат што им носи душата.
Тројцата најактивни идни сликари се Кристијан, Владимир Здравески и Филип Цакоски кои велат дека се трудат почесто да ја користат работилницата која во летото вриела од идни таленти.
Подмладокот на ДЛУП е формиран пред седум месеци.
