Џудо
Во спортска арена “Сонце” се одржа четвртиот меѓународен турнир во џудо “Прилеп – град херој”, во организација на ЏК Сеишин. Првин публиката се забавуваше со музика од групата Волфс, а потоа виде презентација на борење – слободен стил од БК 7 Мај Леов и карате од КК Лукас. Најдобар клуб е домашниот, ЏК Сеишин со девет први места: Георгиј Магдески, Марко Тодорчески, Тале Трајковски, Мартин Тодорчески, Диме Ивчески, Давид Синадиноски, Стефана Џамбазовска, Александра Најдовска, Владимир Талески. Најдобар пионер е прогласен Давид Синадиноски (ЏК Сеишин), пионерка Амра Фејзула (Ипон, Скопје), а јуниор Владимир Стојаноски (Пролетер, Прилеп).
Учествуваа 126 натпреварувачи од 12 клуба, од четири земји: Бугарија, Босна и Херцеговина, Грција и Македонија.
