Откако им покажаа на своите колеги дека “сувиот” Прилеп, без брзаци на река, може да има успешен кајакарски клуб, ККК Арка доби покана за учество на 11-тата меѓународна регата на Охридското Езеро за Денот на независноста – 8-ми Септември.
Во дисциплината кајак на мирни води – спринт, меѓу екипи од Македонија, Србија и Бугарија, ККК Арка се врати со среброто на пионерите Теодора Стеваноска и Леонардо Пеовски, сребро и бронзата во две категории на кадетката Теодора Стеваноска.
Покрај четворицата на пиедесталот, одлични резултати имаа Антони Мисаилески, Леонардо Пеовски, Нино Спиркоски, Стефан Наумоски и на најмалиот учесник на регатата – јуниорот Орданчо Макалоски.
