Бесплатна објава
В понеделник стартува новата учебна година
В понеделник стартува новата учебна година. Во училишните клупи, според податоците од локалната самоуправа, во училиштата ќе тргнат околу 11 илјади ученици. Од нив 7000 во основните, а 4000 во средните училишта.
Првиот ден ќе е највозбудлив за првачињата, кои првпат ќе седнат во училишна клупа. За 752 првачиња ќе се огласи училишното ѕвонче.
– Училиштата се подготвени за стартот. Речиси во сите се извршени реновирања. Во Гимназијата ,,Мирче Ацев,, во СУ,,Ѓорче Петров,, и во музичкото училиште беа преземени поголеми реконструктивни зафати на ентериерот и екстериерот. Вложивме неколку милиони денари да им се подобрат условите за настава не само на учениците, туку и на наставниците – вели Марјан Матракоски, советник за образование во ЛС.
