Шестипат на Тронот кај Слонот вечерва од 19 часот ќе се одржи манифестацијата Поетско Маркукуле, на кое според организаторот Библиотеката “Борка Талески” очекува учество на триесетина поети од Прилеп, Македонија и странство. Ним ќе им се придружат сликарите од ДЛУП и музичарите.
Поетите ќе говорат стихови, сликарите ќе творат, музичарите ќе пеат. Ќе настапат групата “Пела” и хорот “Свето Благовештение”.
Поетското Маркукуле станува мултимедијална манифестација.
– Манифестацијата се надополнува со нови содржини и стана традиција. Расте интересот за учество на вљубениците во поезијата – вели Петар Петрески, директор на Библиотеката.
На манифестацијата ќе се промовира зборникот песни од Поетско Маркукуле 2011.
