Стрип уметникот Златко Крстевски е единствен македонски преставник на шестата меѓународна работилница по сликарство во полскиот град Томасов Лубелски. Творечка база на учесниците им е живописното место Горечко Кочиелне. Се работи за отворено сликарство, на кое Крстевски ќе ја овековечи убавината на природата и старата архитектура. Од создадените дела ќе биде избрано најдоброто, кое ќе ја понесе титулата слика на годината, а наградата ја обезбедува градоначалникот на Томасов. Крстески ќе твори на колонија во Лвов, Украина, која ќе се одржува на сплав. Прилепскиот стрип мајстор беше дел од работилницата во селото Папрадиште.
