Корзо пред вратите на Втората лига
Според очекувањата, Корзо се врати на врвот од табелата на Третата лига – Југ, со триумфот дома над Сирково со 2-0. Има два бода повеќе од вториот Кожуф. В недела е разврската. Гевгеличани играат дома со Сирково, а Корзо оди во Башино Село, Велешко, на третиот Илинден.
– Меч на годината. Домаќинот е квалитетен, но имаме сили за победа. Освен оперираниот Кире Наумоски, сите други првотимци се подготвени за борба – вели Александар Попов, секретар на ФК Корзо.
Доколку Корзо победи, речиси сигурно е првак и нов член на Втората лига, бидејќи преостанува последното коло на 9 јуни дома со четвртиот Вардар.
