ЈОУ Градска библиотека “Борка Талески” – Прилеп ги повикува граѓаните за вклучување во Пилот проектот “Такси книга”. Поаѓајќи од хуманата димензија на овој проект, Градската библиотека ги вклучува категориите на социјално исклучените граѓани, а особено тешко болни и стари лица, неподвижни и инвалиди, кои имаат љубов кон книгата, а не можат лично да ги користат услугите на Библиотеката. Градската библиотека на овие лица ќе им обезбеди бесплатен упис и достава на книгата со такси превоз. Заинтересираните лица да се јавуваат на телефоните: 048 424 344 и 048 420 066.
