Повеќе пари или 13 милиони денари во 2012 година се одделени во општинскиот буџет за културни настани. Најмногу се за Пиво фестот, кој годинава ќе се одржи по 10-ти јубилеен пат, потоа за карневалот Прочка и за МТФ “Војдан Чернодрински”. Нема да бидат заборавени ни фестивалот “Пеце Атанасоски”, ликовните колонии, а денари ќе се потрошат и за прославувањето на празниците 11 – ти Октомври, Трети ноември и Свети Никола. Од општината посочуваат дека сé што е во интерес на градот од културен аспект ќе биде финансиски поддржано за презентација на градот како културна и туристичка дестинација.
